बागलुङ दुर्घटनामा एकै विद्यालयका दुईको मृत्यु, गम्भिर १० जनालाई धौलागिरी अञ्चल अस्पताल रिफर गरियो

बागलुङ, ७ फागुन – बागलुङ जिल्लाको जैमिनी नगरपालिका–८ छिस्तीमा मंगलबार साँझ पिकअप भ्यान दुर्घटना हुँदा दुईजनाको मृत्यु भएको छ । ध १ ज ७९१ नम्बरको पिकअप भ्यान छिस्तीको रापुङ्गभिरमा दुर्घटना हुँदा जनकल्याण माध्यमीक विद्यालयका लेखापाल टिका पुन र सोही विद्यालयमा कक्षा ९ मा अध्ययनरत छात्रा एलिना पुन रहेको जैमिनी नगरपालिका ८ छिस्तिका सदस्य कर्ण सिंह पुनले जानकारी दिए । । दुर्घटनामा घाईते भएका १० जनालाई स्वास्थ्य चौकी छिस्तिमा सामान्य उपचार पछि थप उपचारका लागि धौलागिरी अञ्चल अस्पताल बागलुङमा पाठाईएको छ । घाईते मध्ये तीन जनाको अवस्था गम्भिर रहेको प्रहरीले जनाएको छ । जीपमा करिव २५–३० जना यात्रु रहेको प्रहरी चौकी बेलवगरका प्रहरी जवान शंखर थापा क्षेत्रीले जानकारी दिए । घटनाबारे विस्तृत विवरण आउन बाँकी छ । निकै भिरालो जमिनमा दुर्घटना भएकाले उद्दारमा समेत समस्या भएको क्षेत्रीले बताए । छिस्तीको जनकल्याण माविको वार्षिकोत्सव मनाएर घर फर्किदै गरेका विद्यार्थी अभिभावक सवार पिक अप भ्यान दुर्घटनामा परेको जैमिनी नगरपालिकाका उप प्रमुख लिला रानाले बताए। सडकदेखि करिव ७ सय मिटर तल खसेको जीपमा के कति मानवीय क्षती भयो भन्ने एकिन हुन सकेको छैन । रात परेका कारण उद्धारमा प्रहरीले जनाएको छ । उद्दारका लागि जिल्ला प्रहरी कार्यालय बाट प्रहरीको टोलि समेत पठाई सकिएको प्रहरीले जनाएको छ । अफ्ठेरो भिरमा दुर्घटना भएकाले मृतकको संख्या बढ्न सक्ने स्थानियले बताएका छन् ।

प्रतिक्रिया दिनुहस

सम्बन्धित समाचार

© 2019 Dhorpatan News All right reserved Site By : SobizTrend Technology