गजल

आफ्नै आमालाई गाली गरेर के ठूलो बन्छौ
आफ्नै धर्तिलाई आँखा तरेर के ठूलो बन्छौं ।

बनाउन बालुवाको महल एकछिनको लागि
स्वाभिमानी नजरबाट झरेर के ठूलो बन्छौ ।

तथानाम भन्छौ तिललाई पहाड बनाउँछौं
आफ्नाकै विरुद्ध भ्रम छरेर के ठूलो बन्छौं ।

सद्भाव विथोल्न वर्साएर गाली वेइज्जती
हियाउने कै स्वार्थमा परेर के ठूलो बन्छौं ।

सिंगो देश अटाउने तिम्रो विशाल छातीमा
संकीर्ण दलीय स्वार्थ भरेर के ठूलो बन्छौं ।

प्रतिक्रिया दिनुहस

सम्बन्धित समाचार

© 2019 Dhorpatan News All right reserved Site By : SobizTrend Technology