मसुद अजहरका भाइ-छोरासहित ४० जना गिरफ्तार

इस्लामावाद : पाकिस्तानी प्रधानमन्त्री इमरान खानले चरमपन्थी गतिविधिमा संलग्नविरुद्ध कडारुपमा प्रस्तुत हुने स‌ंकेत गरेका छन् । छिमेकी मुलुक भारतले आतंकवादलाई प्रश्रय दिएको आरोप लगाइरहेका बेला प्रधानमन्त्री खानको निर्देशनमा पाक प्रहरीले जैस ए मोहम्मदका स‌ंस्थापक मसहुद अजहरका भाइसहित ४० जनालाई हिरासतमा लिएको छ । समाचार एजेन्सीका अनुसार हिरासतमा लिइएका चरमपन्थीहरुमा धेरैजसो जैस ए मोहम्मदसँग जोडिएका छन् । पाकिस्तानी विदेश राज्य मन्त्री शहरयार अफ्रिदीका अनुसार प्रतिबन्धित संगठनका सदस्यहरुलाई हिरासतमा लिइएको हो ।
यिनमा मसुद अजहरका भाइ अब्दुल असगर र छोार  हमजा अजहर पनि सामेल छन् । अफ्रिदीका अनुसार आतंकवादीविरुद्ध कुनै विदेशी शक्तिको दबाबमा नभइ देशको हितका लागि गरिएको हो । आतंकवादीमाथि यस किसिमको कारबाही अबको दुई हप्तासम्म निरन्तर जारी रहनेछ । यो कारबाही पाकिस्तानी भूमिमा कुनै पनि आतंकवादी गतिविधि स्वीकार्य हुन नसक्ने इमरान खानको प्रतिवद्धता अनुसार भएको हो ।
संयुक्त राष्ट्र संघमा पाकिस्तानकी स्थायी प्रतिनिधि मलिहा लोधीले मंगलवार यदि भारतले भने जस्तो आत‌ंकवादीको ठोस प्रमाण भेटिएमा आफूहरु कारबाहीका लागि तयार रहेको बताएकी छन् । तर यदि प्रमाण नमिलेमा आफूहरुले बिनाआधार कारबाही गर्न नसक्ने स्पष्टिकरण उनले दिएकी छन् । यसभन्दा पहिले पाकिस्तानी प्रधानमन्त्री इमरान खानले पनि भारतको कश्मीरस्थित पुलवामामा भएको हमलामा आफ्नो मुलुकबाट हमला भएको प्रमाण भारतले दिएमा आफू कारबाहीका लागि तयार भएको बताएका थिए । उनले यो मामिलामा हरेक किसिमको जाँच गर्न तयार रहेको बताउँदै तर भारतले ठोस प्रमाण दिनु पहिलो शर्त भएको उल्लेख गरेका थिए ।
सम्पत्ति जफत गर्न आदेश
यसभन्दा पहिले सोमबार पाकिस्तान सरकारले संयुक्त राष्ट्र संघ सुरक्षा समितिबाट प्रतिबन्धित सबै संगठनको सम्पत्ति जफत गर्न आदेश दिएको छ । चर्चित पाकिस्तानी पत्रिका डनको रिपोर्ट अनुसार पाकिस्तानी विदेश मन्त्रालयका प्रवक्ता मोहम्मद फैसलले प्रतिबन्धित स‌ंगठनको सम्पत्ति जफत हुने बताइसकेका छन् । यसमा ती संगठनको चन्दा असुल्ने प्रक्रिया र एम्बुलेन्स सेवा पनि बन्द गरिने उल्लेख छ ।एजेन्सी

प्रतिक्रिया दिनुहस

सम्बन्धित समाचार

© 2019 Dhorpatan News All right reserved Site By : SobizTrend Technology